Morgunblaðið | 31.7.2015 | 9:30

Hvað þarf að hafa með í útileguna?

Ert þú með nóg af tjaldhælum góði minn? mbl.is/Golli

Svínakjötið er marinerað. Kartöflusalatið er opið og piparsósan einnig. Plastið er komið af einnota grillinu. Allt er til reiðu fyrir dýrindis grillveislu úti í náttúrunni. „Kom enginn með eldspýtur?“ heyrist frá kokkinum. Að mörgu er að huga að þegar farið er í útilegu. Mbl.is hefur útbúið lista yfir það mikilvægasta sem þú þarft að hafa með þér um helgina.

Tjaldbúnaður

Tjald

Bönd

Auka tjaldhælar - Þeir eiga það til að týnast.

Lukt/Vasaljós

Svefnbúnaður

Dýnur

Svefnpoki

Koddi

Loftpumpa fyrir dýnur/Góð lungu

Geymslupoki

Teppi

Fatnaður

Nærföt til skiptanna.

Stuttermabolir

Stuttbuxur

Auka sokkar

Regnjakki - Við búum á Íslandi þrátt fyrir allt.

Náttföt

Nátthúfa

Sundföt

Auka buxur

Auka skór

Plastpokar fyrir óhrein föt eða blauta skó.

Matreiðsla

Vatnsbirgðir

Hitabrúsi

Ferðagrill

Kol fyrir ferðagrill.

Grillvökvi

Pappír til að kveikja í grillinu eða langar eldspítur.

Eldspítur eða kveikjari - nauðsynlegt og gleymist oft!

Vatnsbirgðir

Kakóduft

Hnífapör og skeið.

Eldhúsrúlla

Ruslapokar - Hafðu nóg af þeim, notagildið er hreinlega ómælanlegt.

Diskasápa - Gott er að geta skolað af diskunum eftir matinn.

Pottur og panna.

Matarolía

Grilláhöld

Dósaopnari

Bollar

Skurðarbretti - Hinsvegar eru sumir steinar ágætis skurðarbretti.

Ferðaborð og stólar.

Viskustykki

Salt og pipar - Ef eldamennskan fer úrskeiðis er alltaf hægt að redda sér með þessu.

Snyrtivörur

Tannkrem og tannbusti - Ekki gleyma þessu. Útileguandfýla finnst langar leiðir.

Handklæði

Rakvél - Ef þú ert einstaklega snyrtilegur aðili.

Klósettpappír

Ferðasturta - Ef þú átt slíka skaltu ekki gleyma henni.

Lyf - Ef þú þarft á þeim að halda. Gott er að taka auka birgðir með sér.

Svitalyktareyðir - Jafn mikilvægur og tannkremið.

Hár- og líkamssápa.

Dömubindi og aðrir slíkir hlutir fyrir dömur.

Skyndihjálparvörur

Plástur - Algengt er að fá rispur og sár í útilegum.

Límband

Sótthreinsiklútar

Skæri

Sólarvörn - Vonandi þurfum við svoleiðis um verslunarmannahelgina.

Lyf - Fyrir þá sem þurfa.

Sárabindi

Rakakrem fyrir sólbruna - Fyrir bjartsýna útilegugarpa.

Vasaljós - Í fæstum tjöldum eru loftljós og því kemur vasaljósið sterkt til leiks.

Ýmsir hlutir

Góða skapið

Kælibox fyrir mat - Gott er að hafa allan matinn á einum stað. Hægt er að nota frauðplastbox og kælikubba.

Regnhlíf

Hljóðfæri - Ef þú átt og kannt á hljóðfæri skaltu taka það með. Nema þú spilir á kontrabassa eða annað hljóðfæri sem er yfir ákveðnum stærðarmörkum.

Söngbækur - Let's face it, við kunnum ekki alla ættjarðartextana utan að. Ef þú mætir ekki með söngbók gætir þú lent í því að þurfa að syngja Draumur um Nínu allt kvöldið. Ekkert að því svosem.

Vasahnífur - Vasahnífar hafa margsinnis sannað gildi sitt í útilegum.

Kerti - Það er einstaklega notalegt að sitja úti í kvöldblíðunni með kertaljós.

Útilegustólar - oftast er hægt að kaupa slíka stóla á bensínstöðvum á lítinn pening.

Bakpoki - Það getur verið gaman að fara í göngur og taka með sér nesti.

Sólgleraugu - Mikilvæg gegn sól, mikilvægri upp á lúkkið.

Bók - Ef það rignir út í eitt er mjög notalegt að sitja bara inni í tjaldi og lesa góða bók.

Veiðistöng

Sykurpúðar - Stór partur af útilegu er að grilla sér sykurbúða eftir mat. Ekki gleyma þeim.

Kíkir - Fyrir fuglaáhugafólk er kíkirinn gott hjálpartæki.

Dráttarbeisli - Það er alltaf einn og einn sem festir sig í drullunni. Gott er að geta aðstoðað.

Nauðsynlegt er að láta vita af ferðum sínum, sérstaklega fyrir þá sem hyggjast tjalda úti í náttúrunni fjarri byggð á ómerktu tjaldsvæði. Það getur alltaf eitthvað komið upp á og því eru upplýsingar sem þessar mjög gagnlegar þegar á reynir.

Þetta eru þeir helstu hlutir sem mbl.is telur að gott sé að hafa með í útileguna.