Morgunblaðið | 12.8.2015 | 7:43

Lögreglumaðurinn rekinn úr starfi

AFP

Lögreglumaðurinn Brad Miller, sem skaut nítján ára óvopnaðan mann til bana í Arlington í Texas á föstudaginn, hefur verið rekinn úr starfi. Lögregustjórinn í Arlington segir að Miller hafi gerst sekur um dómgreindarskort.

Maðurinn, Christan Taylor, hafði ekið bíl í gegnum glugga á bílasölu. Málið vakti mikla athygli en það er eitt fjölmargra sem hafa komið upp þar sem hvítur lögregluþjónn skýtur ungt svart fólk.

Samkvæmt yfirlýsingu lögreglu brutust fljótlega út átök á milli Taylor og lögreglumannsins sem lauk með þeim hætti að lögreglumaðurinn skaut Taylor. Brad Miller er 49 ára gamall og hefur starfað sem lögreglumaður í tæpt ár. Hann var fyrst settur í tímabundið leyfi en honum hefur nú verið vikið úr starfi.

Frétt mbl.is: Skaut óvopnaðan mann til bana