Morgunblaðið | 13.8.2015 | 14:20

HB Grandi tekur dýfu í Kauphöllinni

HB Grandi mbl.is/Þórður

Mikil viðskipti hafa verið með hlutabréf HB Granda í Kauphöllinni í dag og hefur gengi bréfanna lækkað hratt á stuttum tíma. Alls nam dagslækkunin 1,64 prósentum klukkan rúmlega tvö í dag en heildarvelta með bréfin nemur um 470 milljónum króna.

Í tilkynningu HB Granda til Kauphallarinnar í dag kom fram að tekjur félagsins gætu lækkað um 1,5 til 2,2 milljarða íslenskra króna á ársgrunvelli vegna innflutningsbanns Rússa á íslenskar matvörur. Þá sagði að mikilvægi Rússlandsmarkaðar í rekstri HB Granda hafi aukist verulega á undanförnum árum.

Á síðasta mánuði hafa bréf HB Granda lækkað mest allra skráðra félaga í Kauphöllinni, eða um 6,24 prósent.

Gengið stendur í 39,1 krónum á hlut.