Morgunblaðið | 17.8.2015 | 14:20

Funda um refsiaðgerðir Rússa

Mynd 1 af 2 Fulltrúar SFS mæta á samráðsfundinn í dag. mbl.is/Golli / Kjartan Þorbjörnsson

Mynd 2 af 2 Frá fyrsta samráðsfundinum sem hófst klukkan tvö í dag. mbl.is/Golli / Kjartan Þorbjörnsson

Fyrsti samráðsfundur stjórnvalda og hagsmunaaðila í sjávarútvegi vegna viðskiptaþvingana Rússa hófst klukkan tvö í stjórnarráðshúsinu en eins og mbl.is hefur fjallað um er gert ráð fyrir því að fundað verði stíft næstu dagana á þeim vettvangi.

Fundinn sitja fulltrúar Samtaka fyrirtækja í sjávarútvegi, þeir Jens Garðar Helgason, formaður SFS, Kolbeinn Árnason, framkvæmdastjóri samtakanna, og Haukur Þór Hauksson, aðstoðarframkvæmdastjóri þeirra, auk fulltrúa forsætisráðuneytisins, utanríkisráðuneytisins og sjávarútvegs- og landbúnaðarráðuneytisins.