75 milljónir í viðbyggingu Alþingis

Í nefndaráliti fjárlaganefndar er lagt til að 75 milljónum króna verði varið í að hefja undirbúning og hönnun á 4.500 fermetra skrifstofubyggingu fyrir Alþingi samkvæmt teikningum Guðjóns Samúelssonar ásamt 750 fermetra bílakjallara.

Samkvæmt frumkostnaðaráætlun er reiknað með að heildarkostnaður við bygginguna verði um 2,3 milljarðar króna.

Fjárlaganefnd afgreiddi fjárlagafrumvarp næsta árs með breytingartillögum og nefndaráliti meirihlutans í gær. 

Byggingin á að koma í staðinn fyrir leiguhúsnæði undir skrifstofur en í dag hefur Alþingi á leigu um 4.400 fermetra húsnæði við Austurstræti fyrir nefndir þingsins, þingmenn, þingflokka og starfsmenn skrifstofunnar. 

Hundrað ára tillaga

Við undirbúning framkvæmda á að hafa hliðsjón af þeim áformum sem uppi voru um uppbyggingu á Alþingisreitnum fullveldisárið 1918 samkvæmt teikningum Guðjóns Samúelssonar, fyrrverandi húsameistara ríkisins, og áformum um minningarviðburði sem tengjast komandi aldarafmæli fullveldis Íslands.

Viðbyggingin komst í umræðuna í vor þegar Sig­mund­ur Davíð Gunn­laugs­son, for­sæt­isráðherra, lagði fram þingsályktunartillögu um efnið.

Frétt mbl.is: Reist verði viðbygging við Alþingi

Í samtali við Morgunblaðið sagði Pét­ur H. Ármanns­son, arki­tekt og sviðsstjóri hjá Minja­stofn­un Íslands, ekki liggja beint við að byggja við Alþingi eft­ir gam­alli teikn­ingu.

Pét­ur sagði að það sem byggt væri í nú­tím­an­um ætti að end­ur­spegla sam­tím­ann þrátt fyrir að fræðilegur möguleiki væri á þessu.

„Þetta er því allt sam­an hægt, en þetta er spurn­ing um það að bygg­ing­in var teiknuð fyr­ir allt annað hlut­verk, í allt öðru sam­fé­lagi og menn­ing­ar­legu sam­hengi. Vilja menn að það sé vitn­is­b­urður um árið 2015 að byggt sé eft­ir hundrað ára gam­alli til­lögu? Ég er á þeirri skoðun að það liggi ekki beint við að nota svona gamla teikn­ingu bók­staf­lega.“

Teikningin er í raun af stúdentagarði þar sem hún er frá þeim tíma þegar Háskóli Íslands var í Alþingishúsinu og menn voru að hugsa um að leysa húsnæðismál hans með varanlegum hætti með því að byggja við húsið.

Pétur hefur bent á að starfsemi Alþingis og umsvif voru talsvert minni á þeim tíma en nú. 

Frétt mbl.is: Gömul teikning af stúdentagarði