Morgunblaðið | 14.1.2016 | 13:45 | Uppfært 15.1.2016 13:13

Jóhann tilnefndur til Óskarsverðlauna

Jóhann Jóhannsson með Golden Globe verðlaun sín í janúar í fyrra. mbl.is/afp

Tónskáldið Jóhann Jóhannsson var rétt í þessu tilnefndur til Óskarsverðlauna fyrir tónlist sína í kvikmyndinni Sicario. Jóhann var einnig tilnefndur á síðasta ári fyrir tónlist sína í kvikmyndinni The Theory of Everything en fékk ekki verðlaunin. Hann fékk hinsvegar Golden Globe verðlaunin á síðasta ári fyrir tónlist sína í myndinni.

Fjögur önnur tónskáld eru tilnefnd til Óskarsverðlaunanna fyrir bestu tónlistina. Það eru Thomas Newman fyrir tónlistina í Bridge of Spies, Carter Burwell fyrir tónlistina í Carol, Ennio Morricone fyrir tónlistina í The Hateful Eight og goðsögnin John Williams fyrir tónlistina í Star Wars: The Force Awakens.

Óskarsverðlaunin verða haldin í Los Angeles 28. febrúar næstkomandi.