Morgunblaðið | 9.6.2016 | 20:30 | Uppfært 5.6.2020 11:39

Vor í Vaglaskógi heillar í USA

00:00

Bandarískir aðdáendur Kaleo kunna vel að meta útgáfu fjórmenninganna af klassíkinni Vor í Vaglaskógi. Lagið verður að finna á breiðskífu sveitarinnar A/B sem kemur út þar vestra á morgun. mbl.is var á tónleikum sveitarinnar í síðustu viku og ræddi við tónleikagesti um tónlistina og sveitina.

Í gær birtist viðtal við sveitina sem var tekið sama dag en tónleikarnir fóru fram í Revolution Hall í Portland þar sem þeir komu fram fyrir fullu húsi. Upphaflega áttu þeir að vera að spila á mun minni tónleikastað en ásókn í miða var slík að hægt var að færa tónleikana á stærri stað.

Af svörum viðmælendanna að dæma er augljóst að íslensk tónlist hefur skapað sér stóran sess á þessum stærsta og mikilvægasta tónlistarmarkaði í heimi.

Fyrir þremur árum síðan var svipuð umfjöllun um tónleikaferðalag Of Monsters and Men í Bandaríkjunum á mbl.is.

Rúllað yfir Bandaríkin

Ótrúlegur árangur Of Monsters and Men