Morgunblaðið | 9.7.2016 | 19:54 | Uppfært 20:26

Black Lives Matter mótmæltu í Lundúnum

Frá göngunni í Brixton í suðurhluta Lundúna. AFP

Nokkur hundruð manns komu saman í Brixton, í suðurhluta Lundúna, í dag til þess að mótmæla lögregluofbeldi gegn svörtu fólki í Bandaríkjunum. Sambærilegar mótmælagöngur voru haldnar í vikunni víða um Bandaríkin, m.a. í Dallas þar sem mótmælin enduðu með ósköpum þegar fimm lögregluþjónar voru skotnir til bana.

AFP

Black Lives Matter-hreyfingin stóð fyrir mótmælunum og gengu mótmælendur að lögreglustöð í Lundúnum og stöðvuðu á leiðinni rútur og umferð að því er AFP-fréttaveitan greinir frá.

AFP

Á skiltum mótmælenda mátti lesa skilaboð á borð við: „Hættið að myrða okkur“ og „Þögn hvítra kostar mannslíf“. Lögreglan í Lundúnum neitaði að tjá sig um mótmælin eða hversu margir lögregluþjónar hefðu verið kallaðir út vegna þeirra.