Leiðtogar heimsins tjá sig um Tyrkland
Setja bókamerki
Leiðtogar heimsins hafa hvatt til þess að „virðing verði borin fyrir lýðræðislegum stofnunum“ eftir að misheppnuð valdaránstilraun var gerð í Tyrklandi, þar sem yfir 250 manns létu lífið.
Hér eru sum af viðbrögðum leiðtoganna:
Jens Stoltenberg, framkvæmdastjóri NATO:
„Ég er ánægður með þann sterka stuðning sem almenningur hefur sýnt sem og lýðræðislegir stjórnmálaflokkar og lýðræðislega kjörin stjórnvöld í Tyrklandi.“
Hvíta húsið:
„Allir Tyrkir eiga að styðja lýðræðislega kjörin stjórnvöld í Tyrklandi, sýna stillingu og komast hjá frekara ofbeldi og blóðsúthellingum.“
Ban-Ki Moon, aðalritari Sameinuðu þjóðanna:
„Afskipti hersins af málefnum hvaða ríkis sem er er óásættanlegt.“
Mohamad Javad Zarif, utanríkisráðherra Írans:
„Tyrkneska þjóðin stóð vörð um lýðræðið af miklu hugrekki og ríkisstjórn hennar sýnir að valdaránstilraunir eiga engan rétt á sér á okkar svæði og eru dæmdar til að mistakast.“
Donald Tusk, forseti leiðtogaráðs ESB:
„Það má ekki leysa spennuna og áskoranirnar í Tyrklandi með byssum.“
Utanríkisráðuneyti Rússlands:
„Stjórnmálaástandið í landinu, fyrirliggjandi hryðjuverkaógn og deilur vopnaðra aðila ógna alþjóðlegum stöðugleika og einnig á svæðinu sjálfu.“
Jean-Marc Ayrault, utanríkisráðherra Frakka:
„Tyrkneska þjóðin sýndi þroska sinn og hugrekki með því að sýna virðingu sína gagnvart stofnunum landsins. Hún þurfti að gjalda fyrir það með mörgum mannslífum.“
Boris Johnson, utanríkisráðherra Bretlands:
„Var að tala við utanríkisráðherra Tyrkja. Ég lagði áherslu á stuðning Breta við lýðræðislega kjörna ríkisstjórnina og stofnanir landsins.“
Hillary Clinton forsetaframbjóðandi:
„Við ættum að hvetja fólk til að halda ró sinni og virða lögin, stofnanir, almenn mannréttindi og frelsi og styðja lýðræðislega kjörna ríkisstjórn.“
/frimg/1/41/55/1415512.jpg)
/frimg/1/3/41/1034174.jpg)
/frimg/9/97/997117.jpg)
/frimg/6/84/684247.jpg)
