Morgunblaðið | 9.8.2016 | 7:56

Varað við sambandsslitum

AFP

Tyrknesk yfirvöld vara bandarísk stjórnvöld við því að fórna tengslum landanna tveggja vegna íslamska klerksins Fethullah Gülen sem þau segja að hafi staðið fyrir valdaránstilrauninni 15. júlí. Gülen er í útlegð í Pennsylvaníu í Bandaríkjunum.

„Ef Bandaríkin framselja ekki Gülen fórna þau sambandinu við Tyrki í þágu hryðjuverkamanna,“ segir dómsmálaráðherra Tyrklands, Bekir Bozdag, en hann ræddi við fréttamenn í höfuðborg Tyrklands, Ankara, í morgun. Tyrkland hefur ítrekað farið fram á það við bandarísk yfirvöld að þau framselji klerkinn til Tyrklands þar sem hann á yfir höfði sér ákæru.

[Fara efst á síðu]