Morgunblaðið | 18.10.2016 | 10:27 | Uppfært 24.10.2016 9:45

Uppboðsleiðin veldur áhyggjum

Margir hafa illan bifur á hugmyndum um uppboð á aflaheimildum. Afstaða þessa herramanns liggur hins vegar ekki fyrir eins og sakir standa. mbl.is/Þorvaldur Örn Kristmundsson

Fulltrúar Starfsgreinasambands Íslands, Öldunnar stéttarfélags, Verkalýðsfélags Snæfellinga og Verkalýðsfélags Vestfjarða lýsa yfir áhyggjum vegna hugmynda um uppboðsleið í sjávarútvegi. Frekari upplýsingar má sjá á myndbandinu hér að neðan.

Áður hafa fulltrúar samtaka sjómanna og skipstjórnenda lagst alfarið gegn hugmyndum um uppboð aflaheimilda og telja þá leið vega að starfsöryggi sjómanna og hagsmunum þjóðarinnar. Þessi sjónarmið komu meðal annars fram í viðtali við Árna Bjarnason, forseta Farmanna- og fiskimannasambandsins, og Valmund Valmundsson, formann Sjómannasambands Íslands, fyrir skömmu sem lesa má um hér.