„Við erum að tvíborga fyrir veiðar okkar í júlí í grænlenskri lögsögu,“ segir Friðrik Már Guðmundsson, framkvæmdastjóri Loðnuvinnslunnar hf.
Fiskistofa hefur nú rukkað fyrirtækið um veiðigjald upp á rúmar níu milljónir króna vegna veiða Hoffells SU-080 á makríl innan grænlenskrar lögsögu.
Loðnuvinnslan hefur þegar greitt veiðigjald vegna veiðanna til Grænlendinga en það er á grundvelli samkomulags við þá sem fyrirtækið veiðir innan lögsögu þeirra, að því er fram kemur í umfjöllun um mál þetta í Morgublaðinu í dag.