Morgunblaðið | 29.10.2016 | 6:58 | Uppfært 9:42

Tveir í haldi vegna heimilisofbeldis

mbl.is/Kristinn Ingvarsson

Tvö heimilisofbeldismál komu til kasta lögreglunnar á höfuðborgarsvæðinu í nótt og gista tveir menn fangageymslur vegna þess.

Klukkan 1.38 var tilkynnt heimilisofbeldi í Hafnarfirði en 11 mínútum fyrr hafði verið tilkynnt heimilisofbeldi í Mosfellsbæ. Einn maður var handtekinn á hvorum stað og verður rætt við þá síðar í dag vegna rannsókn málanna.

Undanfarna viku hafa þó nokkur heimilisofbeldismál komið upp í Reykjavík og annars staðar á höfuðborgarsvæðinu en undanfarin misseri hefur lögreglan á höfuðborgarsvæðinu lagt aukna áherslu á þennan málaflokk.

[Fara efst á síðu]