„Þau svöruðu aldrei“

Jón Ásgeir Jóhannesson, fyrrverandi eigandi bresku matvöruverslunarkeðjunnar Iceland Foods reyndi að ná samkomulagi við íslensk stjórnvöld um vörumerkið Iceland árið 2006 en fékk aldrei svör. Þetta kom fram í frétt The Everning Standard í gær.

„Við buðum íslenskum stjórnvöldum mjög sanngjarnan samning árið 2006 þegar við vorum eigendurnir. Þau svöruðu aldrei,“ er haft eftir Jóni Ásgeiri.

Í síðasta mánuði greindi ut­an­rík­is­ráðuneytið frá því að gripið hafi verið til laga­legra aðgerða gegn keðjunni og sagði í til­kynn­ingu að fyr­ir­tækið hefði um ára­bil beitt sér gegn því að ís­lensk fyr­ir­tæki gætu auðkennt sig með upp­runa­landi sínu við markaðssetn­ingu á vör­um sín­um og þjón­ustu í Evr­ópu. 

Stjórnendur Iceland Foods sendu samninganefnd til Reykjavíkur í síðustu viku til þess að hitta Lilju D. Alfreðsdóttur, utanríkisráðherra. Að sögn stofnanda Iceland Foods er „enginn áhugi“ hjá íslsenskum stjórnvöldum fyrir  því að komast að samkomulagi í málinu. Í skriflegu svari Lilju við fyrirspurn mbl.is frá því í gær kemur fram að ís­lensk stjórn­völd ekki sjá fyr­ir sér nein­ar samn­ingaviðræður við breska fyr­ir­tækið, nema það ljái máls á því að af­sala sér einka­rétt­in­um með form­leg­um hætti.

„Ég held að það sé auðvelt að finna lausn,“ er haft eftir Jóni Ásgeiri. „Rétta fólkið þarf að setjast niður til þess að það gerist.“