Morgunblaðið | 21.1.2017 | 7:15

Baráttufundur sjómanna á Akureyri

Um 90 manns mættu til baráttufundar á Akureyri í gær. mbl.is/Þorgeir Baldursson

Sjómannafélag Eyjafjarðar hélt baráttufund í gær á Hótel KEA vegna sjómannaverkfallsins.

Verkfallið hefur nú staðið í 6 vikur, eða frá 14. desember 2016.

Til fundarins mættu um 90 manns og haft er eftir Þorgeiri Baldurssyni að mikill einhugur hafi einkennt fundinn. Menn voru samstíga í að hvika ekki frá þeim kröfum sem sjómenn hafa sett í sinni kjarabaráttu við útgerðarmenn.

Konráð Alfreðsson, formaður Sjómannafélags Eyjafjarðar, í ræðustól á fundinum í gær. mbl.is/Þorgeir Baldursson

Eins og fram hefur komið var fundarhöldum frestað síðastliðinn þriðjudag, en næsti fundur hefur verið boðaður hjá ríkissáttasemjara næstkomandi mánudag.