Bæjarstjórn Kópavogs hefur ákveðið að halda íbúafund í næstu viku til þess að kynna áform sín um að rífa Kársnesskóla.
Ákveðið var á bæjarstjórnarfundi í gær að fresta ákvörðunartöku um hvort skólinn verði rifinn um tvær vikur. Fyrst vill bærinn kynna málið fyrir bæjarbúum.
Þetta staðfestir Sigríður Björg Tómasdóttir, upplýsingafulltrúi Kópavogsbæjar.
Mygla, rakaskemmdir og leki fyrirfinnst í núverandi húsnæði Kársnesskóla við Skólagerði. Ekki er víst að það svari kostnaði að ráðast í endurbætur á húsinu.