John Snorri Sigurjónsson, fyrsti Íslendingurinn til þess að toppa fjallið K2, er á leiðinni aftur niður í grunnbúðir. Leiðin niður er ekki síður hættuleg en erfitt er að verjast snjóflóðum, grjóthruni og skriðum sem koma í bakið.
Ferðin upp fjallið var löng og ströng og náði John á toppinn í gær. Hann var svo fljótur aftur niður í fjórðu búðir þar sem hann fékk súrefni og hvíldist fyrir gönguna niður. Hægt er að fylgjast með ferðum John Snorra og sjá hvar hann er staddur nákvæmlega á heimasíðu Lífsspors.