700 sprengjur á 7 mínútum
Setja bókamerki
Hápunkturinn á Þjóðhátíð í Vestmannaeyjum er í hugum margra flugeldasýningin á miðnætti laugardags. Sennilega verður enginn svikinn af sýningunni í ár en 700 flugeldar verða sprengdir á sjö mínútum í kvöld.
Reynir Valtýsson er skotstjóri í ár en Björgunarfélag Vestmannaeyja annast alltaf flugeldasýninguna á Þjóðhátíð.
Spurður um stærð sýningarinnar segir Reynir að hún sé svipuð og í fyrra en samt aðeins stærri enda stækki hún alltaf eitthvað á milli ára. Ekki er lengur um einn skotstað að ræða en hér áður var alltaf öllum flugeldunum skotið upp af klettinum en núna hefur sýningin færst víðar og er einnig í dalnum sjálfum.
Að sögn Reynis er það gert til þess að að sjáist betur í brekkunni þar sem þúsundir fylgjast með flugeldunum springa í allri sinni dýrð yfir Herjólfsdal.
Svo viðamikil flugeldasýning þarfnast mikils undirbúnings og segir Reynir að undirbúningurinn hafi staðið yfir í á þriðju viku. Skotpallar undirbúnir auk þess sem að ákveða þarf hverju verður skotið upp - hvar og hvenær. Þetta þarf að forrita inn í skotborð flugeldanefndar enda stórum flugeldasýningum sem þessum tölvustýrt til að tryggja að allar bombur fari á réttum tíma í loftið.
/frimg/9/84/984533.jpg)
/frimg/9/84/984375.jpg)
/frimg/6/9/609999.jpg)
