HB Grandi hefur boðað til fundar með áhöfn skipsins Þerneyjar klukkan 16 í dag. Þetta herma heimildir mbl.is, en nánari upplýsingar um dagskrá fundarins hafa ekki fengist.
Samkvæmt upplýsingum mbl.is verður fulltrúi Sjómannafélags Íslands einnig viðstaddur fundinn.
Ekki hefur náðst í Vilhjálm Vilhjálmsson, forstjóra HB Granda, vegna málsins.
Þerney er 25 ára frystitogari, smíðuð í Noregi árið 1992, og er gerð út frá Reykjavík.