Morgunblaðið | 26.8.2017 | 17:27 | Uppfært 18:26

Samherji gefur Hlíðarfjalli skíðalyftu

Kampavínsflösku var að sjálfsögðu slegið í stefni skipsins. mbl.is/Þorgeir Baldursson

Vinir Hlíðarfjalls, samtök einkafyrirtækja sem vilja styrkja skíðasvæðið við Akureyri, fá nýja skíðalyftu að gjöf úr Samherjasjóðnum. Tilkynnt var um gjöfina við nafngift nýja togarans Kaldbaks við Akureyrarhöfn fyrr í dag.

Var togaranum þar gefið nafn með formlegum hætti en hann kom í fyrsta sinn til heimahafnar í Eyjafirði í byrjun mars. Allir þeir sem vildu voru velkomnir á athöfnina á bryggjunni, en í framhaldinu var boðið upp á veitingar í matsal Útgerðarfélags Akureyrar.

Frá athöfninni í dag, sem fram fór á Togarabryggjunni. mbl.is/Þorgeir Baldursson

70 ár frá fyrsta Kaldbaki

Einnig var þess minnst að 70 ár eru liðin frá því Kaldbakur, fyrsta skip Útgerðarfélags Akureyringa, kom til landsins og að 60 ár eru liðin frá því að frystihús félagsins var tekið í notkun.

Skipið er rúmlega 60 metra langt og vegur rúm 2.000 brúttótonn.

Kaldbakur í skipaskrá 200 mílna