Morgunblaðið | 13.9.2017 | 12:48

Aldrei meiri meðalafli í róðri

Afla landað á Norðurfirði. Mynd úr safni.

Afla landað á Norðurfirði. Mynd úr safni. mbl.is/Árni Sæberg

Meðalafli í róðri hefur aldrei verið meiri en á nýliðinni vertíð strandveiða, en hann var 623 kg. Á síðasta ári var hann 614 kg og hefur því aukist um 1,5% á milli vertíða.

Þetta kemur fram á vef Landssambands smábátaeigenda. Segir þar að svæði A, sem er svæðið frá Eyja- og Miklaholtshreppi til Súðavíkurhrepps, hafi gefið mestan meðalafla í róðri að venju eða 667 kg. Næst komu bátar sem voru á svæði C með 650 kg, þá svæði B með 574 kg og svæði D rak loks lestina með 565 kg.

[Fara efst á síðu]