Morgunblaðið | 17.9.2017 | 15:31 | Uppfært 20:02

Birta frá Djúpavogi aflahæsti báturinn

Birta skilaði rúmum 44,8 tonnum á land.

Birta skilaði rúmum 44,8 tonnum á land. Ljósmynd/Arnbjörn Eiríksson

Birta SU-36, sem gerður er út frá Djúpavogi, var aflahæsti báturinn á nýliðinni vertíð strandveiða með rúm 44,8 tonn.

Þetta kemur fram í tilkynningu frá Fiskistofu.

Samkvæmt henni er Hulda SF-197 næsti bátur á eftir, með 44,2 tonn, en hann er gerður út frá Hornafirði.

Þar á eftir kemur Ásbjörn SF-123, sem einnig er gerður út frá Hornafirði, með 43,6 tonn.

[Fara efst á síðu]