Morgunblaðið | 7.11.2017 | 13:22

Loftmengunin 30 sinnum meiri en hámark WHO

Byggingaverkamenn á vinnusvæði í Delhi í dag. Mikil mengun liggur nú yfir borginni. AFP

Skelfing hefur gripið um sig í Delhi, höfuðborg Indlands, eftir að íbúar vöknuðu í morgun í þykku mengunarskýi. BBC segir skyggni í borginni vera mjög slæmt, en mengunin sé nú á sumum svæðum 30 sinnum meiri en sem nemi hámarki Alþjóða heilbrigðisstofnunin (WHO).

Indversku læknasamtökin (IMA) hafa lýst yfir heilsufarslegu neyðarástandi og hvetja stjórnvöld til að gera allt sem á þeirra valdi er til að „vinna bug á ógninni“.

Second time #Delhi air quality is 'severe' since Diwali. Don't go out without your masks today. #delhipollution https://t.co/eLAAVLshOF
— HT Delhi (@htdelhi) November 7, 2017

Hafa Delhibúar verið duglegir að birta myndir af mengunarþokunni á samfélagsmiðlum sem þykir sýna umfang vandans. Hafa margir samfélagsmiðlanotendur einnig kvartað yfir öndunarerfiðleikum vegna mengunarinnar.

#Delhi engulfed by #Smog,who cares? Only #Diwali pollution mattered. Stubble burning rampant. Will SC step in?#AirPollution #delhipollution pic.twitter.com/Nn0zcNX0LW
— Jagrati Shukla (@JagratiShukla29) November 7, 2017

Þá hafa samtök lækna einnig mælt með því að hætt verði við fyrirhugað hálfmaraþon sem halda á í borginni 19. nóvember nk. Á sumum stöðum í Delhi, hefur að sögn indversku veður- og loftslagstofunnar, mælst allt að 700 míkrógrömm á hverjum rúmmetra af örsmáum ögnum svo nefndum PM 2.5 sem komast djúpt ofan í lungun.

Waking up to Terriblly smogy Day in Delhi I just read the air quality index at 999 I think it’s the lowest I have seen 😰#delhipollution pic.twitter.com/nYJlZUC0mN
— Rekha Kakkar (@Rekhakakkar) November 7, 2017

Þá hefur Arvind Kejriwal ráðherrann sem fer með stjórn Delhi farið þess á leit við menntamálaráðherrann að skoðað verði að loka skólum í nokkra daga.