Morgunblaðið | 23.11.2017 | 5:30 | Uppfært 10:53

Aðgangi að auðlind fylgir ábyrgð

Óæskilegum afla fleygt í veiðiferð í Faxaflóa. mbl.is/RAX

„Þó svo það megi finna að regluverkinu og árangri eftirlitsins leysir það ekki skipstjórnarmenn og útgerðarmenn undan ábyrgðinni sem fylgir því að hafa aðgang að auðlindinni og mikilvægt að hafa í huga að þeir verða að axla ábyrgðina á gjörðum sínum.“

Þetta segir Eyþór Björnsson fiskistofustjóri í kjölfar umfjöllunar um brottkast á fiski og misfellur í vigtun afla í fréttaskýringaþættinum Kveik á RÚV.

Fiskistofa sendi frá sér tilkynningu í gær vegna umfjöllunarinnar. Þar segir að stofnunin hafi ítrekað þrýst á bættar reglur um vigtun afla. Stofnunin telur brýnt að endurskoða þær reglur með þeim hætti að eftirlit og viðbrögð við brotum verði markvissari, að því er fram kemur í Morgunblaðinu í dag.