Morgunblaðið | 29.12.2017 | 12:36

„Dapurleg tíðindi“

Valmundur Valmundsson, formaður SSÍ. mbl.is/Kristinn Magnússon

„Fyrst og fremst eru þetta dapurleg tíðindi,“ segir Valmundur Valmundsson, formaður Sjómannasambands Íslands, um niðurstöðu atkvæðagreiðslu félagsmanna Sjómanna- og vélstjórafélags Grindavíkur þar sem yfirgnæfandi meirihluti greiddi atkvæði með útgöngu úr SSÍ og ASÍ.

Frétt af mbl.is

Sjómenn segja sig úr ASÍ

„Eftir því sem mér skilst þá vilja þeir vera innan okkar vébanda, en á meðan þeir vilja ekki vera innan ASÍ þá er það ekki hægt. Þannig eru lögin,“ segir Valmundur í samtali við 200 mílur.

SVG hefur verið stærsta aðildarfélag Sjómannasambandsins en félagsmenn SVG eru um 25% af félagatali þess. Ljóst er að stórt skarð hefur verið höggvið í sambandið.