Morgunblaðið | 29.12.2017 | 11:49 | Uppfært 13:31

Sjómenn segja sig úr Alþýðusambandinu

Einar Hannes Harðarson, formaður Sjómanna- og vélstjórafélags Grindavíkur, með kjörkassa félagsins í verkfallinu fyrr á árinu. mbl.is/Eggert

94% þeirra sem tóku þátt í atkvæðagreiðslu um útgöngu Sjómanna- og vélstjórafélags Grindavíkur úr Alþýðusambandinu og Sjómannasambandinu vilja að félagið segi sig úr samböndunum tveimur.

Þetta segir Einar Hannes Harðarson, formaður félagsins, í samtali við 200 mílur en talningu atkvæða lauk rétt í þessu.

Um 700 manns tilheyra félaginu og greiddu 110 þeirra atkvæði. Þrjú prósent atkvæðanna voru auð.

„Þetta gæti ekki verið skýrara,“ segir Einar og bætir við að forsvarsmenn félagsins muni afhenda forsvarsmönnum ASÍ og SSÍ formleg úrsagnarbréf síðar í dag.

„Við viljum að þetta taki gildi strax.“