„Þegar ég loka augunum og hugsa um Napólí eru þetta litirnir sem ég sé,“ sagði Lucia Pica um vorlínu Chanel í ár en hún sótti innblástur til Napólí við listræna sköpun og hönnun förðunarlínunnar. Þar var hún komin aftur á æskuslóðir.
Við förum í ferðalag um hinar fornu rætur borgarinnar. Heiti vorlínunnar er Neapolis, sem þýðir ný borg, og vitnar þar í sögu Napólí sem eitt sinn var nýlenda Forn-Grikkja. Síbreytilegt landslag borgarinnar, umvafið sögu, veitir hinn fullkomna innblástur fyrir litadýrðina og birtuna sem fylgir vorinu. Tveir heimar mætast í innblæstri Luciu hvað liti varðar: hinn náttúrulegi og hinn manngerði. Náttúrulegi heimurinn einkennist af eldfjallakenndu landslagi og vötnunum við flóann á meðan við sjáum arkitektúr og litina í freskunum í Villa Poppaea blandast tónum óviðjafnanlegra málverka Caravaggio. Það tengir okkur við hið manngerða.
Græni liturinn áberandi í línunni en í Les 9 Ombres (Édition N°1 – Affresco) er græni tónninn í miðju pallettunnar, umvafinn hlýjum tónum sem og kolgráum litum. Áfram heldur græni liturinn að njóta sín í Ombre Première-kremaugnskugganum (Verderame) á meðan metalkenndir og kolgráir litir veita okkur nútímalegan blæ í maskaranum Dimensions De Chanel (Nero Metallo) og Stylo Yeux-augnblýantinum (Nero Vulcanico).
Hið nýja Poudre À Lèvres er mjög spennandi og öðruvísi snyrtivara. Þetta er litað púður fyrir varirnar og endurspeglar þá tækni sem notuð var við gerð freskómálverkanna. Í pallettunni er varasalvi og þar við hlið litaða púðrið en þessu er svo blandað saman á vörunum og litaákefðinni stjórnað að vild.
Hlýjan og birtan sem Chanel færir okkur á þessum köldu vetrarmánuðum verður til þess að klakinn fer eflaust fyrr að þiðna og hitastigið fer hækkandi. Að minnsta kosti innra með okkur.