Verða að axla ábyrgð

„Þetta eru kerfislæg mistök sem þarna hafa átt sér stað bæði hjá lögreglu og borginni. Lögregla hefur játast við því og tekið á því. Borgin er því miður, og þá er ég að tala um Velferðarsviðið, er að búa til skýringar á því að einhver ótilgreindur starfsmaður  hafi gert mistök,“ segir Sæv­ar Þór Jóns­son. Hann er lögmaður og rétt­ar­gæslumaður drengs­ins sem lagði fram kæru á hend­ur karl­manni á fimm­tugs­aldri í ág­úst á síðasta ári fyr­ir kyn­ferðis­brot sem hann á að hafa framið gegn hon­um á ár­un­um 2004 til 2010. Karl­maður­inn starfaði sem stuðnings­full­trúi á heim­ili Barna­vernd­ar Reykja­vík­ur þegar brot­in áttu sér stað.

Í skýrslu Innri end­ur­skoðunar Reykja­vík­ur­borg­ar á verk­ferl­um og regl­um er varða til­kynn­ing­ar og ábend­ing­ar sem ber­ast til Barna­vernd­ar Reykja­vík­ur, sem kom út í gær, kem­ur fram að mis­tök starfs­manns hjá Reykja­vík­ur­borg leiddu til þess að til­kynn­ing um kyn­ferðis­brot manns­ins barst ekki til stjórn­enda.

Það er alveg klárt að við munum láta reyna á bótaréttinn ef í ljós kemur að hann [stuðningsfulltrúinn] verður dæmdur fyrir refsivert athæfi og fundinn sekur fyrir brot gegn mínum umbjóðendum. Þá er alveg klárt mál að það verður látið reyna á það fyrir rétti.“

Mikil reiði hjá fórnarlömbunum í garð Barnaverndar

Sævar segir mikla reiði hjá sínum umbjóðendum gagnvart Barnaverndar og Velferðarsviði, sem séu ekki tilbúnir á næstunni til að þekkjast fundarboð Barnaverndar til að fara yfir málið.

„Það að setjast niður með mínum umbjóðendum til að fara yfir þessi mistök, það finnst manni eingöngu ætlað að þjóna þeim tilgangi að afsaka sig. Við erum hins vegar að tala um mjög alvarleg brot og alvarlegar afleiðingar,“ segir Sævar.

„Það liggur alveg ljóst, eins og málið er vaxið, að borgin er búin að taka á sig ábyrgð á því að verkferlar hafi ekki verið í lagi.“ Það megi því leiða að því líkum, sérstaklega varðandi yngri umbjóðanda sinn sem brotið hafi verið gegn á árabilinu 2004-2010, að hefði ábendingunni sem borginni barst 2008 verið sinnt þá hefði verið hægt að koma í veg fyrir frekari brot gegn honum.

Kaupir ekki skýringuna á símtalinu

„Það er grafalvarlegt mál ef horft er til þess hvernig málið er vaxið og hversu alvarleg brotin voru. „Það er því ljóst að verði hann sakfelldur fyrir þessi brot að þá verður látið reyna á bótarétt og það er líka ljóst að þeir sem bera ábyrgð á þessum málum innan borgarinnar verða einnig að axla ábyrgð.“

Sjálfur segist Sævar ekki kaupa þá skýringu að einhver starfsmaður í símsvörun Reykjavíkurborgar  hafi tekið niður ábendinguna og ekki sent hana áfram.

„Það hlýtur að hafa verið þannig að símtalið hafi verið sent áfram til Barnaverndar. Nú ef það var ekki gert, þá eru það mistök af því að verkferlarnir eru ekki í lagi. Þegar svona mál eiga í hlut þá verða menn hins vegar að axla ábyrgð,“ segir Sævar. Það geti þeir gert persónulega með því víkja störfum, eða þá að dómstólaleiðin sé farinn þar sem að að menn séu skaðabótaskildir fyrir mistökunum.