Morgunblaðið | 10.5.2018 | 11:40 | Uppfært 12:21

Evrópuríki geta ekki treyst á Bandaríkin

Angela Merkel, kanslari Þýskalands, heimsótti Donald Trump Bandaríkjaforseta í lok apríl þar sem hún reyndi meðal annars að sannfæra hann um að viðhalda kjarnorkusamkomulaginu við Íran. AFP

Angela Merkel, kanslari Þýskalands, segir að Evrópuríki geti ekki lengur treyst á að Bandaríkin tryggi öryggi þeirra. Ummælin lét hún falla í ljós ákvörðunar Donalds Trumps Bandaríkjaforseta í fyrradag um að rifta kjarnorkusamningi við Íran.

Ólgu vegna ákvörðunarinnar er strax farið að gæta, til að mynda með árásum Ísraelshers og íranskra hersveita á bækistöðvar hvorra annarra í Sýrlandi.

Frétt af mbl.is

Átök milli Ísraels og Írans í Sýrlandi

„Það er ekki lengur svo einfalt að Bandaríkin geti verndað okkur. Evrópuríki verða að taka örlögin í sínar eigin hendur. Það er verkefni framtíðarinnar,“ sagði Merkel á blaðamannafundi í morgun.