Morgunblaðið | 28.5.2018 | 13:31

Þrír bátar náð að nýta alla tólf dagana

Afla frá strandveiðum landað í Hafnarfirði.

Afla frá strandveiðum landað í Hafnarfirði. mbl.is/Ómar

Þrír bátar höfðu á föstudag náð að nýta alla tólf veiðidagana sem þá hafði verið heimilt að stunda strandveiðar.

Um er að ræða Græði BA og Kolgu BA á svæði A, og Natalía NS á svæði C, en sá bátur er jafnframt aflahæstur þeirra 383 báta sem hafið hafa veiðar, að því er fram kemur á vef Landssambands smábátaeigenda.

Afli á strandveiðum nam á föstudag 1.319 tonnum, sem er minnkun um fimmtung frá í fyrra. Meðaltal afla á hvern bát er hins vegar aðeins 207 kg minna en í fyrra, og munar þar 6%.

Tíu aflahæstu bátarnir að loknum tólf veiðidögum. Heimild: LS.

Tíu aflahæstu bátarnir að loknum tólf veiðidögum. Heimild: LS.

[Fara efst á síðu]