Morgunblaðið | 29.5.2018 | 13:48 | Uppfært 18:10

Fagna hækkandi verði á þorski

Á strandveiðum er fylgst grannt með þróun verðs á þorski.

Á strandveiðum er fylgst grannt með þróun verðs á þorski. mbl.is/Sigurður Ægisson

Meðalverð á óslægðum þorski seldum á fiskmörkuðum hefur verið 9% hærra það sem af er maímánuði en það var á sama tímabili í fyrra. Sjómenn fagna þessari þróun og vona að hún verði viðvarandi, segir á vef Landssambands smábátaeigenda, þar sem bent er á að síðustu sjö daga hafi verðþróunin verið með miklum ágætum.

„Hækkunin er nokkuð í takt við þróun gjaldmiðla í okkar helstu viðskiptalöndum. Mesta styrkingin er á evrunni, sem skilaði 113 krónum að meðaltali í maí í fyrra en nú fást 122 krónur fyrir hverja evru,“ segir á vef LS.

Verð á óslægðum þorski

[Fara efst á síðu]