Morgunblaðið | 12.6.2018 | 7:57 | Uppfært 14:01

Öflugur dráttarbátur eykur öryggi og þjónustu

Seifur er öflugasti dráttarbátur landsins.

Seifur er öflugasti dráttarbátur landsins.

Hafnasamlag Norðurlands tók á sunnudag á móti nýjum og öflugum dráttarbáti, sem smíðaður var í skipasmíðastöðinni Armon í norðurhluta Spánar.

Guðný Sverrisdóttir, fyrrverandi sveitarstjóri í Grýtubakkahreppi og stjórnarmaður í Hafnasamlaginu, gaf skipinu nafnið Seifur við móttökuathöfnina. Báturinn er með 42 tonna togkraft og því fjórfalt öflugri en sá sem fyrir er. Kaupverðið er um 490 milljónir króna og er það á pari við kostnaðaráætlun, segir á heimasíðu Vegagerðarinnar.

Báturinn hefur verið inni á samgönguáætlun og er smíði hans styrkt um tæp 60% af hafnabótasjóði.

[Fara efst á síðu]