Stjórn HB Granda fundar í dag

Stjórn HB Granda, sem hugðist funda síðastliðinn fimmtudag vegna bréfs frá framkvæmdastjóra Útgerðarfélags Reykjavíkur, frestaði fundinum. Verður hann þess í stað haldinn í dag, samkvæmt tilkynningu sem HB Grandi hefur sent kauphöllinni.

Frétt af mbl.is

Stjórn HB Granda ræðir bréfið frá ÚR

Í bréfi framkvæmdastjóra ÚR, sem er stærsti hluthafi HB Granda, er lýst yfir vilja til að hætta við sölu alls hlutafjár í Ögurvík ehf. til HB Granda, sem fyrirhuguð var samkvæmt samningi sem undirritaður var 7. september. Guðmundur Kristjánsson, forstjóri HB Granda, er aðaleigandi Útgerðarfélags Reykjavíkur.

Frétt af mbl.is

ÚR vill hætta við söluna á Ögurvík

Bréf framkvæmdastjórans kom í kjölfar þeirrar tillögu lífeyrissjóðsins Gildis, sem stórs hluthafa í HB Granda, að kaupin og skilmálar þeirra yrðu skoðuð nánar af óháðum aðila.

Frétt af mbl.is

Kaup HB Granda á Ögurvík verði skoðuð