Morgunblaðið | 19.11.2018 | 20:48 | Uppfært 20.11.2018 5:58

Kröfu Sjómannafélagsins hafnað

Jónas Garðarsson, formaður Sjómannafélags Íslands, og Heiðveig María Einarsdóttir formannsframbjóðandi. mbl.is/Hari mbl.is/Eggert

Félagsdómur hefur hafnað kröfu Sjómannafélags Íslands um að Heiðveig María Einarsdóttir, frambjóðandi til formanns Sjómannafélagsins, eigi að leggja fram málskostnaðartryggingu í máli sínu gegn félaginu.

Frétt af mbl.is

„Þvílíkur formaður!“

Á framboðssíðu sinni á Facebook bendir hún á að dómarinn hafi sagt í úrskurði sínum að mál hennar „væri hvorki tilefnislaust né tilgangslaust“.

Auk þess væri stjórnarskrárvarinn réttur hennar til að leita til Félagsdóms vegna málsins „rétthærri en áhyggjur félagsins af því hvort ég mögulega gæti greitt áfallinn kostnað til félagsins skyldi ég tapa málinu fyrir dómi“.

Frestur fyrir lögmann Sjómannafélagsins til að skila inn greinargerð var ákveðinn til þriðja desember. Aðalmeðferð í málinu verður 14. desember og verður dómur kveðinn upp fljótlega eftir það, að því er Heiðveig greinir frá á framboðssíðunni.