Morgunblaðið | 20.12.2018 | 17:50

„Það fokkar enginn í Dísu og Baktusi“

Kötturinn Baktus er týndur og líklegt þykir að honum hafi verið rænt. Skjáskot/Facebook

Kötturinn Baktus, sem séð hefur um næturvörslu í Gyllta kettinum í um sex ár, er týndur. Grunur leikur á að honum hafi verið rænt í gærkvöldi. Á Instagram-síðu Baktusar segir að síðast hafi sést til Baktusar á Klapparstíg og að hann hafi ekki skilað sér á sinn stað í verslun Gyllta kattarins í Austurstræti í morgun.

„Þegar Baktus týnist eru allar klær settar út,“ segir Hafdís Þorleifsdóttir eigandi Gyllta kattarins og Baktusar, í samtali við mbl.is. Hún hefur heimildir fyrir því að maður hafi tekið Baktus upp í bíl við Klapparstíg og ekið upp í Breiðholt þaðan sem Baktus slapp úr bílnum, í grennd við Fífusel.

„Það fokkar enginn í Dísu og Baktusi,“ segir Hafdís og lofar hún veglegum fundarlaunum þeim sem geta komið Baktusi til síns heima.

View this post on Instagram

NEW INFORMATION; A man was seen picking him up at klapparstígur and taking him into a car, he drove him to fífusel in Breiðhollt where baktus escaped the car and ran off, please keep a lookout, a big reward will be given to anyone who finds him, he is easy to approach and hold 🙏 Attention everyone !!! Baktus is missing 😓 he was last seen on Klapparstígur last night, and has not returned to Austurstræti this morning like he has done every single day when he is not in gylltikötturinn overnight, Please keep a look out for him and send me a message or call 6930620 if you have any information 🙏❤️ #cats_of_instagram #cats_of_world #baktusthecat #catsofinstagram #catstagram #baktus #findbaktus #missing #missingcat #whereisbaktus

A post shared by Hr.Baktus (@baktusthecat) on Dec 20, 2018 at 7:06am PST

Baktus á fjölmarga aðdáendur, en honum fylgja um sjö þúsund manns á Instagram. Baktus vekur mikla athygli meðal viðskiptavina Gyllta kattarins og annarra sem eru á ferð um bæinn. mbl.is fjallaði um Baktus fyrr í vetur og þá sagði Hafdís að ferðamenn sem fylgjast með Baktusi á Instagram gera sér sérstaka ferð í Gyllta köttinn til að spyrja eftir honum. Eins geri börn sér ferð í búðina með mömmu og pabba í bæjarferð til að heimsækja kisa.