Morgunblaðið | 11.1.2019 | 18:08 | Uppfært 14.1.2019 13:03

Dregið úr fyrirhuguðum niðurskurði

Ekki þarf að leggja rannsóknarskipinu Bjarna Sæmundssyni. mbl.is/Styrmir Kári

Ákveðið hefur verið að draga úr fyrirhuguðum niðurskurði hjá Hafrannsóknarstofnun. Stofnunin mun hvorki þurfa að segja upp fólk né leggja rannsóknarskipinu Bjarna Sæmundssyni.

Þetta kemur fram í tilkynningu frá Hafrannsóknarstofnun.

Þetta er niðurstaða stífra fundarhalda sjávarútvegs- og landbúnaðarráðherra með starfsfólki atvinnuvega- og nýsköpunarráðuneytis.

Í tilkynningunni segir að um mikinn létti sé að ræða fyrir starfsfólk stofnunarinnar. Eftir sem áður þarf hún að takast á við hagræðingarkröfu sem er tilgreind í fjárlagafrumvarpi líkt og aðrar stofnanir.

Áfram verður unnið með ráðuneytinu til að finna traustari leiðir til að fjármagna rekstur stofnunarinnar til framtíðar.