Morgunblaðið | 9.2.2019 | 5:30 | Uppfært 14.11.2019 11:38

Enn ríkir óvissa um loðnuvertíð

Hoffellið frá Fáskrúðsfirði á loðnuveiðum fyrir tveimur árum, en skipið leitar nú fyrir sér á kolmunnaslóð vestur af Írlandi. mbl.is/Börkur Kjartansson

Enn hefur ekki mælst það mikið af loðnu að gefinn verði út upphafskvóti á vertíðinni. Fiskifræðingar og fulltrúar útgerða uppsjávarfyrirtækja ræddu málin á fundum í gær þar sem farið var yfir stöðuna, framhald leitar og ýmsar sviðsmyndir ræddar um göngu loðnunnar.

Þorsteinn Sigurðsson, sviðsstjóri uppsjávarsviðs Hafrannsóknastofnunar, segir að rannsóknaskipið Árni Friðriksson haldi loðnhuleit áfram eftir helgi, en skipið var inni á Eskifirði í gær.

Polar Amaroq er væntanlegt til hafnar í dag, eftir að hafa leitað loðnu fyrir Norðurlandi og Austfjörðum síðustu daga. Eitt veiðiskipanna verður einnig við leit í næstu viku í samstarfi Hafrannsóknastofnunar og útgerða uppsjávarskipa.

Loðnuleit hefur meira og minna staðið yfir síðan 4. janúar, en nokkrar frátafir hafa orðið vegna brælu, að því er fram kemur í fréttaskýringu um loðnuveiðarnar í Morgunblaðinu í dag.