Fulltrúar skóla- og frístundasviðs Reykjavíkurborgar og Fossvogsskóla vinna enn að því að finna húsnæði fyrir starfssemi skólans. Ekkert verður úr því að kennsla hefjist á nýjum stað á mánudag eins og vonir stóðu til.
Boðið verður upp á frístund fyrir börnin á mánudag.
Til stóð að þeim nemendum sem ekki geta stundað nám í húsnæði Fossvogsskóla vegna myglunnar yrði kennt í Fannborg í Kópavogi en við skoðun þar komu í ljós rakaskemmdir.
Fram kemur í bréfi til foreldra nemenda í dag að verið sé að skoða húsnæði í Laugardal og nágrenni hans.
Skólastjóri segist ánægður með þann skilning sem foreldrar sína stjórnendum í þeirri flóknu stöðu sem upp er komin.