Morgunblaðið | 21.6.2019 | 16:38

Nauðgunardómur staðfestur í Landsrétti

Landsréttur féllst á það mat héraðsdóms að framburður mannsins væri ótrúverðugur. mbl.is/Hallur Már

Landsréttur staðfesti í dag tveggja og hálfs árs fangelsisdóm yfir Hemn Rasul Hamd, írökskum manni á fertugsaldri, fyrir að nauðga konu inni á salerni á veitingastað í miðborg Reykjavíkur í febrúar 2016.

Frétt af mbl.is

Dæmdur fyrir nauðgun á Hressó

Héraðsdómur Reykjavíkur sakfelldi Hamd í desember síðastliðnum, en með dómi Landsréttar eru þær miskabætur sem honum gert að greiða brotaþola hækkaðar um 300 þúsund krónur, úr 1,5 milljón upp í 1,8 milljónir.

Hamd hélt því fram fyrir héraðsdómi að konan hefði verið samþykk samförum við sig á salerni staðarins, en Landsréttur féllst á það mat héraðsdóms að sá framburður hans væri ótrúverðugur og að sama skapi hefði framburður brotaþola um atvik verið trúverðugur.