Áhrifavaldurinn Birgitta Líf Björnsdóttir leggur vinnuna ekki til hliðar þegar hún skellir sér í frí. Hún er nú stödd á Maldíveyjum ásamt fjölskyldu sinni og að sjálfsögðu tók hún brakandi ferskan orkudrykk með sér í ferðina.
Birgitta Líf er svokallaður „brand ambassador“ fyrir sænska orkudrykkjaframleiðandann Nocco og auglýsir hún drykkina reglulega á sínum samfélagsmiðlum. Hún tók ekki bara drykki með sér til eyjunnar í Indlandshafi heldur einnig Nocco-sundbol, sem hefur komið að góðum notum.