Morgunblaðið | 22.11.2019 | 9:58

Svona heldur Sunneva Einars rassinum stinnum

Sunneva Eir Einarsdóttir. Ljósmynd/Ófeigur Lárusson

Áhrifavaldurinn Sunneva Einarsdóttir er í gríðargóðu formi og hugsar vel um heilsuna. Hún sýnir reglulega frá ræktarferðum sínum og gefur oft góð æfingaráð. Sunneva er þekkt fyrir sinn stælta rass og tekur reglulega æfingar sem styrkja rassinn og fótleggina.

Smartland tók saman helstu æfingarnar sem Sunneva gerir til þess að að halda rassinum stinnum. Sunneva heldur endurtekningafjöldanum háum í hverju skipti og settunum fáum. Þar af leiðandi tekur hún oft léttari þyngdir.

Hip thrusts. Skjáskot/Instagram

„Hip thrusts“ virðast vera í uppáhaldi hjá Sunnevu og gerir hún mikið af þeim, bæði í tækjum og með stöng. Lykilatriðið virðist að hafa nógu þungt, en hún tekur oft á bilinu 70-100 kíló. Mjaðmalyfturnar eru undantekning frá endurtekningareglunni, þar tekur Sunneva þyngra og tekur færri endurtekningar.

Kick backs. Skjáskot/Instagram

„Kick backs“ eða afturspark á fjórum fótum er önnur æfing sem Sunneva gerir mikið af. Hún gerir þær bæði með teygju eða í tæki með mótspyrnu.

Bulgarian split squat. Skjáskot/Instagram

Sunneva gerir einnig reglulega mikið af hnébeygjum í alls konar útgáfum. Hún gerir án lóða, með lóðum eða stendur gleitt í „sumo“-stöðu. Einnig gerir hún „bulgarian split squat“ þar sem annar fóturinn hvílir á bekk eða kassa.