Vetraraðstæður eru um allt land, éljagangur og slæmt skyggni á höfuðborgarsvæðinu og hálka á stofnæðum. Þá eru fjallvegir á Vestfjörðum þung- eða ófærir.
Éljagangur, hálka og slæmt skyggni er á höfuðborgarsvæðinu og af þeim sökum gæti umferð gengið hægar.
Víðast hvar er nokkur hálka, krapi eða snjóþekja á Suðvesturlandi.
Hálka er á Vestfjörðum en þæfingur er í sunnanverðum Patreksfirði. Hrafnseyrar- og Dynjandisheiði eru lokaðar og þungfært er norður í Árneshrepp.
Víðast hvar er hálka eða snjóþekja á Austurlandi. Þæfingsfærð er á Breiðdalsheiði og Öxi er þungfær.