Vegagerðin hefur birt lista yfir áætlaðar lokanir vegna ofsaveðursins næstu daga. Þar kemur meðal annars fram að Hellisheiði, Þrengslum, Reykjanesbraut og Vesturlandsvegi um Kjalarnes og Hafnarfjall verður mögulega lokað í sólarhring frá hádeginu á morgun.
Fram kemur á vef Vegagerðarinnar að ef miðað er við verstu sviðsmynd út frá núverandi veðurspá verður öllum leiðum frá höfuðborgarsvæðinu lokað í um það bil sólarhring.
Þá verður ófært úr höfuðborginni á morgun og fram á miðvikudag, enda ekkert ferðaveður í kortunum, og appelsínugul viðvörun tekur gildi á morgun um nánast allt land.
Nánar má sjá áætlun um lokanir vega um land allt hér.