Smábát og skútu rak í land í óveðrinu á þriðjudagskvöld þegar hluti smábátabryggjunnar á Dalvík brotnaði frá.
Um er að ræða skútuna Elínu Önnu og smábátinn Súluna. Þegar blaðamann og ljósmyndara mbl.is bar að garði í morgun var eigandi Elínar Önnu að vinna í skemmdum á skútunni.
Von er á kranabíl í hádeginu sem á að hífa bátana tvo í land, en áður en það er gert verður að fella mastur skútunnar.
Bátarnir eru talsvert skemmdir en ekki taldir ónýtir.