Morgunblaðið | 18.12.2019 | 13:15

Er fingur jólasveinsins í ensku klaustri?

Vilhjálmur bastarður gaf klaustrinu í bænum Battle í Sussex hluta af fingri jólasveinsins og hey úr jötu Jesú Krists samkvæmt handriti frá miðöldum. Ljósmynd/Wikipedia.org

Hluti af fingri heilags Nikulásar, sjálfs jólasveinsins, og hey úr jötu Jesú Krists eru á meðal muna sem gefnir voru ensku klaustri. Þetta kemur fram í handriti frá miðöldum sem sagnfræðingurinn Michael Carter þýddi nýlega.

Í handritinu, sem er 580 ára gamalt, er sagt frá að Vilhjálmur fyrsti, Englandskonungur, eða Vilhjálmi bastarði, hafi fært klaustri í bænum Battle í Sussex hluta af jarðneskum leifum heilags Nikulásar.

„Að varðveita og safna saman jarðneskum leifum var mikilvægur hluti af klausturlífi og það gleður mig að ég gæti verið sá fyrsti í 500 ár sem rannsakar lista yfir leifar sem klaustrinu í Battle voru gefnar,“ segir Carter.

Fátt er jafn táknrænt og þegar konungur gefur klaustri jarðneskar leifar, að sögn Carters.