Bilun í Laxárvirkjun olli rafmagnstruflun í landskerfinu í Suður-Þingeyjasýslu, frá Laxá og Húsavík. Samkvæmt upplýsingum frá RARIK er verið að vinna í að byggja upp kerfið.
Landsnet greinir frá því á Facebook að unnið sé að því að koma rafmagni aftur á Húsavík í gegnum Bakka.
Uppfært klukkan 10:20:
Rafmagn er aftur komið á á Húsavík og samkvæmt upplýsingum frá RARIK er unnið að því að koma á rafmagni í Reykjadal og Bárðardal.
Í nótt var unnið að hreinsun á tengivirkinu í Hrútatungu og gekk það vel. Um 30 manns tóku þátt í að hreinsa seltu af tengivirkinu. Þá er Fljótsdalslína 4 komin inn eftir viðgerð.
Ís verður hreinsaður af Þeistareykjalínu 1 í dag og verður línan tekin úr rekstri um klukkan 11 en beðið verðu með viðgerð um sinn á Laxárlínu 1.