Morgunblaðið | 27.12.2019 | 10:28 | Uppfært 16:23

Sitja áfram í haldi fram í febrúar

Bernhardt Esau, fyrrverandi sjávarútvegsráðherra Namibíu. Ljósmynd/Sjávarútvegsráðuneyti Namibíu

Namibísku sexmenningarnir, sem kærðir hafa verið fyrir spillingu og peningaþvætti í tengslum við Samherjaskjölin í Namibíu, munu sitja áfram í gæsluvarðhaldi fram til 20. febrúar þegar fyrirtaka verður í máli þeirra.

Dómari hæstaréttar í Windhoek komst að þeirri niðurstöðu í dag. Jafnframt kom fram að málið væri ekki talið það áríðandi að það yrði tekið á dagskrá dómsins. Þetta kemur fram á vef Namibian.

Frétt af mbl.is

Mál sexmenninganna tekið fyrir í dag

Tveir fyrrverandi ráðherrar landsins, Bernhard Esau og Sacky Shanghala auk hinna fjögurra, James Hatuikulipi, Tamson Hatuikluipi, Ricardo Gustavo og Pius Mwatelulo, hafa setið í haldi frá því fyrr í þessum mánuði.

Þeir fullyrtu að handtaka þeirra sem og gæsluvarðhaldsúrskurður væri ólögmætur.