Meira er meira þegar kemur að förðun á síðasta kvöldi ársins. Gleðin er allsráðandi og öllu er tjaldað til. Glimmer og glamúr einkenna gjarnan gamlárskvöld ásamt sterkari augnförðun og áberandi varalit. Hér eru nokkrar hugmyndir að slíkri förðun eftir nokkra af þekktustu förðunarfræðingum heims.
Áberandi augnlínufarði
Með því að hafa augnlínufarðann ekki algjörlega fullkominn skapast rými til að móta hann betur eftir augnumgjörð þinni. Óljósar línur eru einnig góður kostur því þær undirstrika ekki fínar línur augnsvæðisins.
Gylltir hunangstónar
Það er alltaf gaman að leika sér með gyllta tóna í augnförðun og er nýjasta augnskuggapallettan frá Urban Decay fullkomin til að ná þessu fram.
Kopar við rauðan varalit
Það er fátt fallegra en koparlitir tónar við rauðan varalit. Þessi förðun er sérlega hátíðleg og hæfir þeim sem ætla inn í nýtt ár með eftirminnilegum hætti.
Glimmer og kynþokki
Urban Decay er líklega eitt besta merkið til að finna glimmer fyrir förðunina í öllum stærðum og litum. Fyrir þær djörfu er gaman að leika sér með grafíska lögun augnförðunarinnar eða halda henni klassískri og leyfa glimmerinu að njóta sín.
Rauðar varir í aðalhlutverki
Þegar þú ert með drottningarvaralit frá Guerlain þarftu varla mikið meira. Það er gaman að leyfa varalitnum að njóta sín og svo er þetta auðvitað hentug leið til að spara tíma ef þú ert orðin of sein í partíið.