Morgunblaðið | 4.1.2020 | 11:43 | Uppfært 12:43

Hvasst og mikill krapi á Reykjanesbrautinni

mbl/Hari

Gríðarlegur krapi er á Reykjanesbrautinni að sögn viðmælanda mbl.is sem er á leiðinni til Reykjavíkur. Segir hann umferðina í flestum tilfellum silast áfram á í kringum 30-40 km/klst. en ýmsir freisti þess hins vegar að aka hraðar þrátt fyrir aðstæður.

Fleiri vegum lokað vegna veðurs

Frétt af mbl.is

Fleiri vegum lokað vegna veðurs

Viðmælandinn segir að bifreið hafa verið að skafa Reykjanesbrautina en síðan beygt út af henni og farið niður í Voga á Vatnsleysuströnd. Segist hann ekki skilja hvers vegna ekki var haldið áfram að skafa brautina enda hafi bifreiðar lent í vandræðum á þeim kafla sem ekki hafi verið skafinn. Hann segir hvasst en skyggnið sé ekki lélegt.

Það sem fyrst og fremst vanti sé að Reykjanesbrautin sé skafin almennilega.

Veðurvefur mbl.is

[Fara efst á síðu]