Morgunblaðið | 4.1.2020 | 14:23

Öxnadalsheiði og Þverárfjalli lokað

mbl.is/Gúna

Vegagerðin hefur lokað veginum um Öxnadalsheiði og Þverárfjall vegna veðurs og færðar en áður hafði hún varað við því að til slíkra lokana gæti komið með skömmum fyrirvara.

Lokanir á vegum eru að færast norðar samhliða því sem óveðrið sem gengur yfir landið færist sömu leið. Áður hafði í raun öllum leiðum frá höfuðborgarsvæðinu verið lokað en Reykjanesbrautin hefur verið opnuð á nýjan leik.

Þar er um að ræða Hellisheiði, Þrengslin, Mosfellsheiði, Lyngdalsheiði og Kjalarnes. Enn fremur eru Hvalfjarðargöngin lokuð vegna lokunar Kjalarness.

Þá eru Holtavörðuheiðin og Brattabrekka lokuð á Vesturlandi, Kleifaheiði, Miklidalur og Hálfdán á Vestfjörðum og Mývatnsöræfi á Norðausturlandi.